「塘西花月痕」有價

原來咁值錢嘅！ 我當年有6套「塘西花月痕」新舊版各3套。

 

但係更有價值嘅係對書裏面嘅人物的訊息。 我諗喺香港知道呢啲背後人物原型嘅人少之又少。 可能胡楓、羅蘭姐呢代人或許知道。 而小弟就係極少有這種知識的其中一個。

 

點解套書咁值錢， 因為係關於香港嘅真實風月及梨園往事， 其中最大篇幅係薛覺先嘅故事， 薛覺先與紫蘭花嘅故事亦都編在其中 （胭脂扣亦有提及薛覺先與紫蘭花），亦有與馬老大有關的「一代名花花影恨」。

 

當年張國榮梅艷芳嘅獲獎電影《胭脂扣》， 就係取材自塘西花月痕。 李碧華將塘西花月痕其中一個故事改寫成胭脂扣， 最後拍成電影。

 

另外一個故事， 敗家仔「仇公子月花50萬」（那是上世紀50年代的50萬！）。羅老逝世多年， 自此仇公子是誰便是一個迷。

 

我應該是極少數知道真相較修哥、羅蘭姐年輕的人。