商心骯髒

我住天水圍區。 天水圍二手未補地價居屋可以賣到近萬蚊一呎當然係大新聞啦。 屏欣苑大約係喺2012年入夥。 條片話原業主喺2018年用195萬買入。 以今時今日香港市道， 能夠賣得翻2018年嘅價， 已經係非常僥倖， 更遑論可以升值八成多， 簡直係天方夜譚！

最近地鐵同新鴻基喺天水圍市中心推出yoho West， 叫價一萬蚊一呎都畀人話貴， 何況未補地價嘅屏欣苑居屋。 可能有心人造市來支持新盤。 一間loss leader如果可以推郁新盤同埋全區嘅二手樓價， 有心人覺得值， 最少可以畀到啲該區嘅地產經紀有口頭實際嘅指導價， 隨笨有精所以會做。 市面上好多資訊唔夠嘅人會聽經紀講或者根據最新嘅成交價按圖索骥。 如果有願意做水魚，無謂阻人。

由呢單case可以見到商人嘅骯髒心態。 地產商自80年代起賺到盆滿缽滿， 絕大部分香港人成為房奴， 被勞役半生。 今時今日， 那些人骯髒手段如一， 冧檔唔使可憐， 係罪有應得。