八萬元約會飯局嘅迷思

近日城中熱話,當推八萬元約會飯局。女事主當天報案, 隨即撤銷。 翌日又重回警署報案。

以小弟有限度嘅法律知識, 應該告唔入. 因為該男士只是吃飯, 利益不入他個人袋中. 從來饋贈就討不回（你見過有多少案例, 饋贈給女方能成功討回）. 何況不是他得到金錢. 吃飯是雙方聚在一起, 更沒明文要某一方付款.

何況姐弟戀, 姐姐照顧弟弟,不是很應該嗎？

咁轟動的原因, 在於七萬幾嘅香檳. 咁支酒會係邊個點？昨晚網上 拉人哥就話應該係女人點. 我覺得應該係男人, 一個連八萬蚊信用卡都冇嘅女人, 有乜可能有咁高檔點咁貴嘅餐酒！

跟住就爆出男方有案底,有犯罪前科.

如果純粹以獨立事件來睇, 應該好難告得入.

我奇怪的是男方咁有智慧, 應該知道對方唔係名媛, 名媛唔會因些少錢爆衰個蠢名. 所以應該會知道呢單嘢走唔甩, 點解都要犯. 係咪另有原因？

或許真係想做一件事：一鳴驚人

如果真係想一鳴驚人, 紅爆香江. 咁根本可以請這個女人夾埋做呢單, 少少花費, 紅遍香港.

單以報章計算, 要達到這樣效果的廣告費两日不下百萬元, 網站便宜一點也要半成. 要達到街知巷聞, 口耳相傳, 要省錢嘅話, 親身上陣, 何伯何太案, 有眼你睇/ 眾目共睹

想想, 近日城中熱話, 行, 大6, 安心女.

似乎8萬宴係壓倒性嘅城中熱話.

思緒飛揚： 咁會唔會係某人士想轉移視線, 畀幾萬蚊製造呢單嘢？

如果我係醒目老爹（醒目x嘅老豆）就會用類似嘅橋轉移一下視線, 減輕輿論針對同壓力. 對佢來說, 一單x術費閑閑地都幾十萬啦, 區區8萬, 何足道哉.