香港現時政治形勢大家心裏有數。香港雖然不斷有新移民湧入，嗰啲大多數都係低技術階層嘅大媽同南亞裔人士， 同埋趁機搵著數嘅機會主義者。移走嘅大部分係有技術但錯判形勢的短視骨幹分子。香港整體社會文化生活水平降低。各大地產商為要保住自己利益當然支持政府，話香港仲係好，繼續繁榮， 樓價照升。最初仲搵地產相關人士接棒， 營造氣氛。現今大量真沽盤湧現， 如果照市價根本全部賣唔出， 做媒嘅仲會唔會接大家心裏有數。加上美國聯儲局正式加息（不是口頭）， 港元同美元掛鉤， 一定會跟住加。到時要供樓的會非常吃力， 特別係最近五年入市的， 而家急起上嚟劈價。好似今日康怡花園嘅盤嚟計可能仲有五成跌。成交價三百萬可能會見。如果而家有樓都唔兌現，走清走楚之後， 遲啲邊個買得起？
大陸公務員減人工， 遲早個壓力會加落嚟。香港大陸同途， 那麼香港公務員憑什麼攞人工比大陸公務員人工高十倍。不要以為是危言聳聽，你覺得冇理由。 我尊敬嘅習主席遲早會咁做。香港不是祖國一部分嗎？如果係，香港豈不是成了貪腐之地， 同工不同酬。公務員減薪，私企會走相反方向嗎？
再向別處看， 俄羅斯烏克蘭打成咁， 俄羅斯隨時用核武。為統一大業，祖國領導人當然睇住嚟做。臺海和平係一大隱憂， 因為打起上嚟係整個亞太區， 澳洲日本都必然介入。第三次世界大戰吹下吹下就會吹出嚟。The boy who cries the wolf。
早一年前走， 樓價還是好。老朽侄女同佢老公執埋行李包袱， 帶埋心愛嘅貓貓飛去愛丁堡。之前一早放樓放咗半年， 自己租樓來住， 樓一賣咗唔夠一個月， 即刻飛英國。 Dr。 Rex 粒聲唔出， 飛咗過英國先至同各位講， 已經喺英國啦。
老朽最擔心的是班保皇黨， 到時有可能會被開刀， 因為全部都係地主、富戶、階級人士。老朽呢啲向政府攞錢嘅無產階級應該係冇問題， 所以老朽一定支持共產黨。
沒有留言:
發佈留言